Y rheolwr fyddai’n gyfrifol am bennu’r cyfeiriad gweithredol, ac am drefnu bod y ddarpariaeth yn cael ei rhedeg yn effeithiol. Y rheolwr fydd y “person â chyfrifoldeb” fel arfer.
Os oes gennych chi ymholiad am gymwysterau gofal plant a’r blynyddoedd cynnar, anfonwch e-bost atom yn eycc@socialcare.wales gan nodi teitl y cymhwyster, lle y cafwyd y cymhwyster, rôl y swydd a’r math o leoliad y mae’r rôl ar ei gyfer.
Diweddariad olaf: 27 Tachwedd 2024
Canran o’r gweithlu sy’n ofynnol ar gyfer rheoleiddio – 100%.
Cyn eu penodiad, rhaid i berson â gofal (y rheolwr) feddu ar o leiaf 2 flynedd o brofiad o weithio mewn lleoliad gofal dydd sesiynol.
Dylai gweithwyr sy’n symud i Gymru sy’n meddu ar gymhwyster a gydnabyddir gan y Department of Education (Lloegr), y Northern Ireland Social Care Council neu’r Scottish Social Services Council gwblhau agweddau o Fframwaith Sefydlu Cymru gyfan ar gyfer y Blynyddoedd Cynnar a Gofal Plant sy’n berthnasol i’w rôl a’r gwasanaeth.
Fodd bynnag, dylai cyflogwyr sicrhau fod unrhyw gymhwyster arall o’r DU yn cwrdd â’r meini prawf sydd wedi eu gosod yn y Fframwaith Cymwysterau cyn ei dderbyn ar gyfer cyflogaeth.
Dylai rheolwyr sy'n newydd i'r lleoliad neu'r sefydliad gwblhau rhannau perthnasol o Fframwaith sefydlu Cymru gyfan ar gyfer rheolwyr y blynyddoedd cynnar a gofal plant.
Dylai pob aelod o staff gael hyfforddiant sefydlu, sy’n cynnwys polisïau a gweithdrefnau amddiffyn plant ac iechyd a diogelwch, yn ystod ei wythnos gyntaf yn y swydd.
