Ymarferydd Dechrau'n Deg

Mae gweithiwr Dechrau’n Deg yn darparu gofal a chymorth i blant yn eu dysgu a’u datblygiad mewn rôl heb oruchwyliaeth neu rôl oruchwyliol.

Nod y rôl yw sicrhau bod plant yn profi ystod eang o gyfleoedd chwarae creadigol ac arbrofol mewn amgylchedd diogel a chroesawgar.

Ar gyfer gofynion cymwysterau, diffinnir gwarchodwr plant nad yw’n gweithio gyda chynorthwyydd(wyr) fel Ymarferydd Dechrau’n Deg a diffinnir gwarchodwr plant sy’n gweithio gyda chynorthwyydd(wyr) gwarchodwyr yn y lleoliad fel Arweinydd Dechrau’n Deg.

Diweddariad olaf: 17 Mehefin 2024

Nid oes angen cofrestru

Qualifications gained outside of Wales

Dylai gweithwyr sy’n symud i Gymru sy’n meddu ar gymhwyster a gydnabyddir gan y Department of Education (Lloegr), y Northern Ireland Social Care Council neu’r Scottish Social Services Council gwblhau agweddau o Fframwaith Sefydlu Cymru gyfan ar gyfer y Blynyddoedd Cynnar a Gofal Plant sy’n berthnasol i’w rôl a’r gwasanaeth.

Fodd bynnag, dylai cyflogwyr sicrhau fod unrhyw gymhwyster arall o’r DU yn cwrdd â’r meini prawf sydd wedi eu gosod yn y Fframwaith Cymwysterau cyn ei dderbyn ar gyfer cyflogaeth.

Gofynion sefydlu

Dylai ymarferwyr sy’n newydd i’r sector gofal plant a’r blynyddoedd cynnar neu’n newydd i sefydliad gwblhau Fframwaith sefydlu Cymru gyfan ar gyfer y blynyddoedd cynnar a gofal plant.