Mae'r dudalen hon yn esbonio pam y gwnaethom ysgrifennu'r fframwaith.
Mae'r fframwaith hyfforddiant, dysgu a datblygu diogelu yn helpu ymarferwyr i weithredu:
- Deddf Gwasanaethau Cymdeithasol a Llesiant (Cymru) 2014
- Deddfwriaeth Deddf Plant 1989
- Gweithdrefnau Diogelu Cymru
- y canllawiau diogelu statudol.
Fe ysgrifennom y fframwaith er mwyn:
- hyrwyddo dealltwriaeth gyffredin o egwyddorion, rolau a chyfrifoldebau diogelu
- hyrwyddo diwylliant o ddysgu a datblygu sy’n amlygu gwybodaeth a sgiliau’r ymarferydd
- lledaenu dysgu oddi wrth:
- Adolygiadau Diogelu Unedig Sengl (bydd y rhain yn disodli adolygiadau ymarfer oedolion, adolygiadau ymarfer plant, adolygiadau lladdiadau domestig, adolygiadau lladdiadau iechyd meddwl ac adolygiadau lladdiadau gydag arfau ymosodol)
- adolygiadau rheoli achos, pan fo angen.
- helpu i wneud sefydliadau'n fwy effeithlon
- gwneud y mwyaf o ymrwymiadau i gydweithio trwy hyfforddiant, dysgu a datblygiad aml-asiantaeth
- gwneud y mwyaf o gyfleoedd i gomisiynu hyfforddiant, dysgu a datblygiad arbenigol a phwrpasol
- cefnogi rhanbarthau a sefydliadau i nodi adnoddau sydd eu hangen i gyflwyno neu gomisiynu hyfforddiant, dysgu a datblygu newydd.
Mae angen i sefydliadau ddefnyddio'r fframwaith er mwyn:
- gwneud yn siŵr bod yna ddull cenedlaethol cyson o hyfforddi, dysgu a datblygu
- cefnogi rhanbarthau a sefydliadau i nodi adnoddau sydd eu hangen i gyflwyno neu gomisiynu hyfforddiant, dysgu a datblygu newydd
- sicrhau bod pobl yn cael yr hyfforddiant, y dysgu a'r datblygiad cywir ar yr amser cywir (gan gynnwys cyfleoedd cynefino a gloywi)
- cefnogi datblygiad cymwyseddau ym maes diogelu
- dod o hyd i ffyrdd newydd o hyfforddi, dysgu a datblygu sy'n bodloni anghenion gweithlu cynyddol ystwyth
- datblygu ffyrdd newydd ac arloesol o gyflwyno hyfforddiant, dysgu, addysgu a datblygu i ddiwallu anghenion gweithlu cynyddol ystwyth
- datblygu ffordd gyson o wirio pa mor effeithiol yw hyfforddiant, dysgu a datblygiad diogelu, a pha mor dda y caiff ei wneud.