Esbonio termau sydd yn y fframwaith.
Allbwn
Rhywbeth sy’n cael ei gynhyrchu drwy’r hyn sydd wedi digwydd
Amcan
Yr hyn rydych eisiau ei gyflawni.
Asedau
Peth neu berson defnyddiol neu werthfawr. Gall asedau cymunedol gynnwys:
- adeiladau a chyfleusterau
- pobl, gyda’u sgiliau, eu gwybodaeth, eu rhwydweithiau cymdeithasol a pherthnasoedd.
Byrddau Partneriaeth Rhanbarthol
Dod â byrddau iechyd, awdurdodau lleol a’r trydydd sector ynghyd i fodloni anghenion gofal a chymorth pobl yn yr ardal.
Byrddau Gwasanaethau Cyhoeddus
Gwneud hi’n haws i bob gwasanaeth cyhoeddus ym mhob ardal awdurdod lleol yng Nghymru i gydweithio
Caffael
Prynu nwyddau neu wasanaethau gan ddefnyddio meini prawf.
Clystyrau gofal sylfaenol
Dwyn ynghyd yr holl wasanaethau iechyd a gofal ledled ardal fach.
Comisiynu
Deall beth sydd ei angen, beth sydd ar gael neu ar goll, a datblygu gwasanaethau newydd neu bresennol i gau unrhyw fylchau.
Cyd-ddylunio
Dylunio prosiect gyda defnyddwyr a rhanddeiliaid ar bob cam datblygu. Mae’n golygu gweithio gyda phawb sydd â diddordeb.
Cyngor Gwirfoddol Sirol (CGS)
Sefydliad sy’n rhoi cyngor a gwybodaeth i grwpiau gwirfoddol a chymunedol ar wirfoddoli, ffynonellau arian ac ystod eang o faterion.
Cynllunio Strategol
Cynllunio a phenderfynu ar lefel uchel. Mae Cynghorau Sir, byrddau iechyd a’r llywodraeth oll yn cynllunio’n strategol
Datblygu Cymunedol ar sail Asedau (ABCD)
Defnyddio’r asedau sydd ar gael mewn cymunedau a dwyn unigolion, cymdeithasau a sefydliadau ynghyd i greu cymuned gryfach.
Dyfeisgarwch
Sut gall pobl ddefnyddio gwybodaeth, sgiliau a pherthnasoedd i helpu ei gilydd mewn ffyrdd cadarnhaol ac ymarferol.
Economi Sylfaenol
Gwasanaethau a chynnyrch hanfodol sy’n cadw ni’n ddiogel ac yn ategu ein lles bob dydd.
Fframwaith
Strwythur i ddangos ffordd o weithio a all helpu i gyflawni pethau.
Gofal Cymdeithasol Cymru
Gweithio gyda phobl sy’n defnyddio gwasanaethau gofal a chymorth a sefydliadau i arwain gwelliant ym maes gofal cymdeithasol yng Nghymru.
Gwasanaethau statudol
Gwasanaethau y mae’r llywodraeth yn talu amdanynt yn gyfreithiol. Er enghraifft y GIG, gwasanaethau cymdeithasol, ysgolion, yr Adran Gwaith a Phensiynau.
Gwydnwch
Sut mae rhywbeth neu rhywun yn dal ati pan fydd pethau’n mynd o chwith
Methodoleg
Sut gall darn penodol o ymchwil gael ei gyflawni
Polisi
Syniadau neu gynlluniau a ddefnyddir ar gyfer gwneud penderfyniadau
Rhanddeiliad
Unigolyn, grŵp, sefydliad neu ardal leol sydd â diddordeb mewn pwnc ac a all un ai gael eu heffeithio neu gael effaith ar y pwnc.
Trydydd Sector
Elusennau, sefydliadau gwirfoddol a chymunedol, mentrau cymdeithasol a chwmnïau cydweithredol, cymdeithasau tai. Fel arfer yn sefydliadau anllywodraethol
Ymchwil Gweithredu
Proses gylchol o weithredu, myfyrio a newid
Ymchwilio’n fanwl
Archwiliad trylwyr a dadansoddiad o bwnc, archwilio beth a sut mae pethau’n gweithio
Ymyrraeth
Camau gweithredu sy’n mynd i’r afael â phroblemau neu fylchau, sy’n digwydd yn y gymuned.
Ymyrraeth amlsector
Diddordeb gweithredol gan sefydliadau lleol, canol, cymorth a strategol.