Mae partneriaeth cenedlaethol newydd i wella llesiant mewn cymunedau ledled Cymru yn chwilio am enwebiadau am gadeirydd ac is-gadeirydd i lunio ei waith.
Bydd y ddwy swydd yn cynrychioli’r Bartneriaeth Cymunedau Dyfeisgar yn ei gwaith gyda Llywodraeth Cymru a sefydliadau’r sector cyhoeddus a thrydydd sector.
Sefydlwyd y Bartneriaeth Cymunedau Dyfeisgar y llynedd, gyda’n cefnogaeth, i ddatblygu a hyrwyddo gweithgareddau lleol a fydd yn gwella llesiant mewn cymunedau ledled Cymru.
Daw ei haelodau o’r sectorau gwirfoddol, statudol ac academaidd ac, erbyn hyn, mae’r grŵp sy’n tyfu am ethol ei gadeirydd ac is-gadeirydd.
Mae’r grŵp yn chwilio am bobl o’r sector cyhoeddus a’r trydydd sector i weithredu fel cadeirydd ac is-gadeirydd am gyfnod o ddwy flynedd, gyda rôl y cadeirydd a’r is-gadeirydd yn newid rhwng y sectorau bob dwy flynedd.
Mae’r grŵp yn awyddus bod y cadeirydd a’r is-gadeirydd yn dod â phersbectif cytbwys i’r grŵp. Ceisia wneud hyn trwy wneud yn siwr y daw’r cadeirydd a’r is-gadeirydd o gefndiroedd gwahanol – un o’r sector cyhoeddus a’r llall o’r trydydd sector.
Mae’r grŵp yn gofyn i bobl a sefydliadau enwebu unrhyw un y credant y byddent yn addas, sy’n gweithio yn y naill sector – ni all y sawl a enwebant weithio yn yr un sefydliad â nhw.
Bydd yr enwebiadau’n mynd i bleidlais wedyn gydag un bleidlais fesul sefydliad. Caiff yr enwebai â nifer fwyaf y pleidleisiau eu penodi’n gadeirydd. Caiff y sawl â nifer fwyaf y pleidleisiau o gefndir gwahanol eu penodi’n is-gadeirydd.
Gallwch gael mwy o wybodaeth am ddyfeisgarwch cymunedol yma a gallwch weld rôl ddisgrifiadau ar gyfer y cadeirydd a’r is-gadeirydd yn y broses enwebu islaw.
E-bostiwch eich enwebiad wedi’i gwblhau at Hugh Irwin yn hugh@hughirwinassociates.co.uk erbyn dydd Gwener, 17 Rhagfyr.
Lawrlwythwch y ffurflen enwebu
Disgrifiad o'r rôl – Cadeirydd
Diben
Bydd y Cadeirydd yn chwarae rhan allweddol yn y gwaith o gynrychioli'r Bartneriaeth Cymunedau Dyfeisgar a bydd disgwyl iddo/iddi gynrychioli'r bartneriaeth â Llywodraeth Cymru a chyda sefydliadau'r sector cyhoeddus a'r trydydd sector.
Bydd y Cadeirydd yn goruchwylio'r gwaith o lunio a gweithredu diben ac amcanion y bartneriaeth, fel y nodir yn ei Gylch Gorchwyl.
Bydd y Cadeirydd yn sicrhau:
- cyfraniad llawn mewn cyfarfodydd
- bod yr holl faterion perthnasol yn cael eu trafod
- bod penderfyniadau effeithiol yn cael eu gwneud a'u gweithredu.
Priodoleddau a phrofiad hanfodol
- Hanes o sgiliau arwain
- Sgiliau strategol a hwyluso da, a'r gallu i ddylanwadu ar benderfyniadau a’u meithrin
- Y gallu i weithredu'n ddiduedd a heb ragfarn
- Doethineb a diplomyddiaeth
- Y gallu i gyfathrebu'n effeithiol
- Ymwybyddiaeth wleidyddol
- Yr amser i feithrin perthynas gref rhwng rhanddeiliaid
- Profiad o lywodraethu a phrofiad ar lefel bwrdd yn y gwasanaethau cyhoeddus neu'r trydydd sector
- Profiad o gadeirio cyfarfodydd aml-randdeiliad yn llwyddiannus
- Cefndir yn y gwasanaethau cyhoeddus neu'r trydydd sector yng Nghymru
Priodoleddau dymunol
- Siaradwr Cymraeg
Gwybodaeth hanfodol
- Themâu polisi trawsbynciol sy'n ymwneud â gweithgarwch y bartneriaeth, fel Deddf Llesiant Cenedlaethau'r Dyfodol (Cymru) 2015 a Deddf Gwasanaethau Cymdeithasol a Llesiant (Cymru) 2014
Tymor y Cadeirydd
Dwy flynedd – bydd y rôl yn mynd bob yn ail, bob dwy flynedd, i unigolyn â chefndir yn y sector cyhoeddus ac i unigolyn sydd â chefndir yn y trydydd sector.
Disgrifiad o'r rôl – Is-Gadeirydd
Diben
Bydd yr Is-Gadeirydd yn chwarae rhan allweddol yn y gwaith o gynrychioli'r Bartneriaeth Cymunedau Dyfeisgar a bydd disgwyl iddo/iddi gynrychioli'r bartneriaeth â Llywodraeth Cymru a chyda sefydliadau'r sector cyhoeddus a'r trydydd sector.
Bydd yr Is-Gadeirydd yn cefnogi’r Cadeirydd i oruchwylio'r gwaith o lunio a gweithredu diben ac amcanion y bartneriaeth, fel y nodir yn ei Gylch Gorchwyl.
Hefyd, bydd yr Is-gadeirydd yn cyflawni rôl a dyletswyddau'r Cadeirydd yn absenoldeb y Cadeirydd ac yn helpu'r Cadeirydd i sicrhau:
- cyfraniad llawn mewn cyfarfodydd
- bod yr holl faterion perthnasol yn cael eu trafod
- bod penderfyniadau effeithiol yn cael eu gwneud a'u gweithredu.
Priodoleddau a phrofiad hanfodol
- Hanes o sgiliau arwain
- Sgiliau strategol a hwyluso da, a'r gallu i ddylanwadu ar benderfyniadau a’u meithrin
- Y gallu i weithredu'n ddiduedd a heb ragfarn
- Doethineb a diplomyddiaeth
- Y gallu i gyfathrebu'n effeithiol
- Ymwybyddiaeth wleidyddol
- Yr amser i feithrin perthynas gref rhwng rhanddeiliaid
- Profiad o lywodraethu a phrofiad ar lefel bwrdd yn y gwasanaethau cyhoeddus neu'r trydydd sector
- Profiad o gadeirio cyfarfodydd aml-randdeiliad yn llwyddiannus
- Cefndir yn y gwasanaethau cyhoeddus neu'r trydydd sector yng Nghymru
Priodoleddau dymunol
- Siaradwr Cymraeg
Gwybodaeth hanfodol
- Themâu polisi trawsbynciol sy'n ymwneud â gweithgarwch y bartneriaeth, fel Deddf Llesiant Cenedlaethau'r Dyfodol (Cymru) 2015 a Deddf Gwasanaethau Cymdeithasol a Llesiant (Cymru) 2014
Tymor yr Is-Gadeirydd
Dwy flynedd – bydd y rôl yn mynd bob yn ail, bob dwy flynedd, i unigolyn â chefndir yn y sector cyhoeddus ac i unigolyn sydd â chefndir yn y trydydd sector.
Y broses enwebu: amodau a thelerau
- Ni all y sefydliad neu'r sawl sy'n enwebu weithio i'r un sefydliad â'r unigolyn sy'n cael ei enwebu (yr enwebai)
- Rhaid i'r enwebai wybod am yr enwebiad a chytuno iddo
- Rhaid i'r person neu'r sefydliad sy'n enwebu fod yn hyderus bod yr enwebai yn bodloni'r proffil rôl
- Bydd enwebiadau'n cael eu rhoi i bleidlais, gydag un bleidlais i bob sefydliad
- Yr enwebai sydd â'r nifer fwyaf o bleidleisiau fydd yn cael ei benodi'n gadeirydd
- Bydd y sawl sydd â'r nifer fwyaf o bleidleisiau o gefndir proffesiynol gwahanol (hynny yw, o'r sector cyhoeddus neu'r trydydd sector) yn cael ei benodi'n is-gadeirydd i'r cadeirydd
- Bydd cefndiroedd y cadeirydd a'r is-gadeirydd yn cylchdroi rhwng y sector cyhoeddus a'r trydydd sector bob dwy flynedd.