Ydych chi'n gweithio ym maes gofal cymdeithasol ac yn dod o gefndir ethnig lleiafrifol? Hoffwn glywed gennych chi!
Rydyn ni am ddeall pa fath o gyfleoedd a rhaglenni fyddai'n cefnogi mwy o bobl o gefndiroedd ethnig lleiafrifol i ymgymryd â rolau arweinyddiaeth ym maes gofal cymdeithasol.
Mae hyn yn rhan o'n gwaith i gefnogi cynllun gweithredu Cymru wrth-hiliol Llywodraeth Cymru.
Er mwyn ein helpu i wneud hyn, rydyn ni’n cynnal grwpiau ffocws ar-lein gyda'r Sefydliad Gofal Cyhoeddus a'r Coleg Staff.
Mae'r grwpiau ffocws yn gyfle i chi rannu’ch profiadau gyda ni, fel y gallwn lunio gwell ffyrdd i'ch cefnogi yn eich gyrfa ym maes gofal cymdeithasol.
Byddwn yn defnyddio’ch adborth i'n helpu i sicrhau bod rhaglenni datblygu arweinyddiaeth yn y dyfodol yn gynaliadwy, yn wrth-hiliol, yn deg ac yn gyfiawn i bob arweinydd gofal cymdeithasol yng Nghymru.
Os hoffech chi fod yn rhan o'r prosiect ar ôl i'r grwpiau ffocws ddod i ben, bydd cyfleoedd i chi ddod yn rhan o'n grŵp o arbenigwyr.