Cymru Iachach – Strategaeth gweithlu ar gyfer iechyd a gofal cymdeithasol

Law yn llaw ag AaGIC, fe wnaethom ni:

• rannu adnoddau ac arferion da rhwng iechyd a gofal cymdeithasol i ysgogi gwelliant, gan gyfnewid llefydd ar rwydweithiau iechyd a llesiant
• cyfrannu at lansio’r gwasanaeth cefnogi iechyd meddwl newydd ‘Canopi’.

Fe wnaethom ni:

• gyhoeddi ein cynllun cydraddoldeb strategol ac rydyn ni’n dal i fonitro ein llwyddiannau yn ei erbyn
• cyfrannu at weithredu Cynllun Gweithredu Cymru Wrth-hiliol Llywodraeth Cymru
• dal i redeg rhwydwaith llesant gofal cymdeithasol ar gyfer partneriaid a rhanddeiliaid
• lansio ein fframwaith iechyd a llesiant, gan ddatgan yr ymrwymiadau a ddisgwyliwn oddi wrth gyflogwyr a’n pobl fel ei gilydd, er mwyn sicrhau profiadau cadarnhaol i weithwyr a gwella ansawdd
• dal i gefnogi’r sector i weithio’n ddwyieithog, gydag adnoddau’n cael eu targedu i gefnogi’r gweithlu presennol ac i’r dyfodol fel rhan o’n hymrwymiad i Mwy na geiriau
• dal i gefnogi’r Bartneriaeth Dyfeisgarwch Cymunedol i’w helpu i sefydlu ei hun fel fforwm aml-sector, cenedlaethol i sefydliadau sy’n datblygu ac yn hyrwyddo gweithgareddau a chamau gweithredu lleol i helpu i wella llesiant mewn cymunedau ledled Cymru
• dal i gefnogi’r gwaith o hyrwyddo cerdyn gweithiwr gofal, gan symud at un ateb digidol a mynd i bartneriaeth â dau ddarparwr disgowntiau blaenllaw i gynyddu’r manteision adwerthu, gan ei gysoni â’r arlwy sydd ar gael yn y GIG
• treialu arolwg o holl weithwyr y sector a ganolbwyntiai ar lesiant
• cryfhau ein cefnogaeth i gyflogwyr drwy gyflwyno gwasanaeth cefnogi cyflogwyr
• cynnal seremoni’r Gwobrau i gydnabod cyfraniad eithriadol timau ac unigolion wrth ddarparu gofal cymdeithasol
• cyflwyno categori yn y Gwobrau i gydnabod gwaith cefnogi gofalwyr di-dâl
• dal i gefnogi darpariaeth amryw o gymunedau, gan gynnwys:
  • addysgwyr ymarfer
  • gweithwyr iechyd meddwlproffesiynol cymeradwy
  • aseswyr budd gorau
  • gweithwyr cymdeithasol newydd gymhwyso.
• gweithredu gwasanaeth lles i rai sy’n mynd drwy’r broses addasrwydd i ymarfer.

Ar gyfer y Cynllun gweithlu gofal uniongyrchol, fe wnaethom ni:

• ddal i gefnogi grwpiau cefnogi cyfoedion sy’n gwella gwytnwch a llesiant eu gweithlu
• cefnogi llesiant rheolwyr drwy gynnig rhagor o ddigwyddiadau gwytnwch dysgu a datblygu
• dal i gyfrannu at y fforwm dan arweiniad Llywodraeth Cymru, Fforwm Gwaith Teg Gofal Cymdeithasol, sydd â’r nod o wella amodau gwaith mewn gofal cymdeithasol.

Ar gyfer y Cynllun gweithlu gwaith cymdeithasol, fe wnaethom ni:

• gefnogi Cymdeithas Llywodraeth Leol Cymru (CLlLC) i wneud adolygiad o delerau ac amodau gweithwyr cymdeithasol ac awgrymu ffyrdd o safoni’r rhain ar draws Cymru
• cynnal ymchwil i ddeall pam bod pobl yn mynd yn weithwyr asiantaeth
• dal i dynnu sylw at wasanaeth cefnogi gweithwyr gwaith cymdeithasol proffesiynol Cymdeithas Gwaith Cymdeithasol Prydain (BASW).

Ar gyfer y Cynllun gweithlu iechyd meddwl strategol, law yn llaw ag AaGIC, fe wnaethom ni:

• ddal i weithio gyda’r trydydd sector i sicrhau bod ei gyfraniad a chyfraniad gwirfoddolwyr yn cael ei gydnabod ar draws y gweithlu iechyd meddwl. Rydyn ni wedi dechrau dylunio cyfres o ddigwyddiadau i ddathlu eu cyfraniad.

Law yn llaw ag AaGIC, fe wnaethom ni:

• ddal i gefnogi rhwydwaith ar y cyd i rannu arferion da ac adnoddau er mwyn gwella’r ffigurau recriwtio a chadw ar draws y sectorau
• dal i gefnogi datblygiadau pellach gyda’r adnodd Tregyrfa.

Fe wnaethom ni:

• ddatblygu cynlluniau wedi’u targedu ar gyfer proffesiynau sy’n wynebu prinder staff a’r rhai sy’n ei chael yn anodd recriwtio, gyda ffocws ar waith cymdeithasol, gofal cartref, prentisiaethau a’r Gymraeg
• dal i hybu prentisiaethau fel dewis gyrfa hyfyw i ymuno â’r sector ac aros ynddo. Fe wnaethom gefnogi ymgyrch wythnos prentisiaethau Llywodraeth Cymru a chynhaliom ein hymgyrch gofal cymdeithasol un pwrpas ein hunain
• gweithio gyda rhanddeiliaid, fel yr Adran Gwaith a Phensiynau a Gyrfa Cymru, a chyrff dyfarnu, megis City & Guilds a CBAC, er mwyn cryfhau’r cysylltiadau rhwng ceiswyr swyddi a gyrfaoedd mewn gofal cymdeithasol
• dal i roi cymorth ariannol i’r swyddi cysylltwyr gyrfaoedd gofal yn y saith rhanbarth
• dal i ddatblygu’r wefan Gofalwn Cymru, gan ychwanegu adnoddau a chefnogaeth benodol i gyflogwyr
• rhoi rhagor o gefnogaeth i ddatblygu’r porth swyddi, gan wella profiad cyflogwyr a cheiswyr swyddi sy’n ei ddefnyddio
• ymgysylltu â rhanddeiliaid allweddol a defnyddio’r hyn a ddysgom i ddatblygu gwefan newydd i’w lansio ddiwedd hydref 2023
• dal i ddefnyddio’r cyfryngau cymdeithasol a’r teledu i hyrwyddo Gofalwn Cymru gan sicrhau ein bod ‘wastad arnodd’ ar y cyfryngau cymdeithasol.

Ar gyfer y Cynllun gweithlu gwaith cymdeithasol, fe wnaethom ni:

• gynnal dau ymgyrch denu wedi’u targedu yn ystod haf a hydref 2022 ar yr un pryd ar draws y teledu, y cyfryngau cymdeithasol a’r radio
• cynnal ymgyrch wedi’i dargedu i gynorthwyo i hybu’r proffesiwn gwaith cymdeithasol fel dewis gyrfaol yn ystod Wythnos Gwaith Cymdeithasol.

Ar gyfer y Cynllun gweithlu gofal uniongyrchol, fe wnaethom ni:

• gynnal ymgyrchoedd yn benodol ar gyfer gofal cartref a phrentisiaethau ar draws y teledu, y cyfryngau cymdeithasol a’r radio.
• dal i gynnal y rhaglen Cyflwyniad i ofal cymdeithasol ar draws Cymru a gwerthuso ei chanlyniadau. Fe wnaethom ni ddatblygu amrywiol raglenni addasedig i fodloni anghenion ceiswyr swyddi, megis cymunedau Affricanaidd a phobl ifanc.

Law yn llaw ag AaGIC, fe wnaethom ni:

• fwrw ymlaen â gwaith ar y Diogeliadau Amddiffyn Rhyddid
• cefnogi a chyfrannu at y thema datblygu sefydliadol a gweithlu’r rhaglen Gofal Sylfaenol Strategol
• cefnogi a chyfrannu at raglenni gwaith ynglŷn â nyrsio mewn gofal cymdeithasol, gan gynnwys data cynllunio’r gweithlu, lleoliadau myfyrwyr nyrsio mewn cartrefi gofal ac ymdrin â chynlluniau imiwneiddio.

Fe wnaethom ni:

• gyfrannu at gyflawni’r Cynllun Gweithredu Strategol ar gyfer Anableddau Dysgu, fel rhan o’n rôl ar Grŵp Cynghori’r Gweinidog
• cynnal gweithdai ar ymarfer ataliol, mewn partneriaeth ag Anabledd Dysgu Cymru a Gwelliant Cymru
• dechrau datblygu pecyn cymorth cymhwysedd i gefnogi rôl asesydd y gallwch ymddiried ynddo
• cefnogi ac ymgysylltu â byrddau gweithlu rhanbarthol a byrddau partneriaeth rhanbarthol
• cefnogi cynlluniau polisi’r llywodraeth o safbwynt cynyddu capasiti cymunedol
• dal i gefnogi gwaith y Rhwydwaith Dysgu a Gwella ar gyfer Ail-alluogi er mwyn rhannu ymarfer a phwyso a mesur atebion ar gyfer y gweithlu.

Ar gyfer y Cynllun gweithlu gwaith cymdeithasol, fe wnaethom ni:

• gyhoeddi cynllun gweithlu ar gyfer y proffesiwn gwaith cymdeithasol.

Ar gyfer y Cynllun gweithlu gofal uniongyrchol, fe wnaethom ni:

• gyhoeddi cynllun gweithlu ar gyfer y gweithlu gofal uniongyrchol
• gweithio gyda phartneriaid i ehangu’r hyfforddiant sydd ar gael i weithwyr iechyd a gofal cymdeithasol mewn cartrefi gofal, drwy gyfrwng rolau hwyluswyr addysg cartrefi gofal
• cytuno ar lwybrau er mwyn i staff cartrefi gofal gael mynediad i hyfforddiant nyrsio
• cytuno ar lwybrau er mwyn i staff cartrefi gofal gael mynediad i gymhwyster gweithwyr cymorth gofal iechyd Lefel 4 i ehangu’r mynediad i hyfforddiant nyrsio.

Ar gyfer y Cynllun gweithlu iechyd meddwl strategol, law yn llaw ag AaGIC, fe wnaethom:

• gyhoeddi cynllun gweithlu i gefnogi Law yn Llaw at Iechyd Meddwl, gan ganolbwyntio ar flaenoriaethau cynnar o amgylch Gwasanaethau Iechyd Meddwl Plant a’r Glasoed (CAMHS), seicoleg glinigol a gwasanaethau amenedigol
• datblygu cynlluniau gweithredu i gefnogi’r cynllun gweithlu iechyd meddwl
• dal i gefnogi Rhwydwaith Arweinyddion Proffesiynol Iechyd Meddwl Cymeradwy Cymru gyfan i rannu arferion da ac adnoddau i helpu i ddatblygu rolau a gwella.

Law yn llaw ag AaGIC, fe wnaethom ni:

• lansio a hyrwyddo modiwlau hyfforddiant digidol ar atal a rheoli heintiau (IPC).

Fe wnaethom ni:

• ddal i ddatblygu adnoddau dysgu ar-lein
• dal i ddatblygu platfform dysgu digidol, gan ychwanegu rhagor o adnoddau dysgu a datblygu ar gyfer y sector
• monitro darpariaeth y flaenoriaeth genedlaethol ar gyfer dulliau digidol yn grant Rhaglen Datblygu Gweithlu Gofal Cymdeithasol Cymru (SCWWDP) ar gyfer 2021 i 2022
• cyhoeddi ymchwil er mwyn deall y newid at ddatblygu a dysgu digidol yn y sector, gan gynnwys gweld pa gefnogaeth bellach sy’n angenrheidiol
• cyfrannu at ddatblygu modiwlau e-ddysgu i gefnogi’r llwybr Asesiad Cyflogwr at gofrestru.

Law yn llaw ag AaGIC, fe wnaethom ni:

• weithio gyda City & Guilds i rannu deallusrwydd a data am ddarparu a chyflawni cymwysterau galwedigaethol.

Fe wnaethom ni:

• weinyddu, dyrannu ac adrodd ar ddefnyddio’r grant SCWWDP
• gweithio gyda phartneriaid i wella’r cyfleoedd i ddysgwyr gael addysg a hyfforddiant drwy gyfrwng y Gymraeg
• arwain ar y gwaith o ddatblygu rhaglen ddysgu i gefnogi’r trefniadau ar gyfer gweithredu’r Diogeliadau Amddiffyn Rhyddid a’u rhoi mewn grym
• datblygu, ymgynghori a lansio safonau cyson ar gyfer dysgu a hyfforddiant diogelu, a chyhoeddi fframwaith i gefnogi’r gwaith o weithredu’r safonau
• cyhoeddi a chefnogi’r gwaith o weithredu’r fframwaith cymhwysedd ar gyfer gweithwyr cymorth, gwybodaeth a chyngor
• dal i gefnogi’r ddealltwriaeth o ymarfer seiliedig ar gryfderau a’i weithredu ar draws meysydd gofal cymdeithasol
• dal i gynnig y rhaglensgiliau cydweithredol a sgiliau cyfathrebu i awdurdodau lleol
• dal i gefnogi’r gwaith o ddarparu dysgu i helpu’r gweithlu i weithio â gofalwyr di-dâl
• cefnogi gwaith y Rhwydwaith Dysgu a Gwella (LIN) ar gyfer gofalwyr di-dâl.

Ar gyfer y Cynllun gweithlu gwaith cymdeithasol, fe wnaethom ni:

• ddal i ddarparucyllid drwy ein grant SCWWDP i gefnogi lleoedd a noddir ar gyfer y radd mewn gwaith cymdeithasol
• cefnogi myfyrwyr-weithwyr cymdeithasol drwy hyfforddiant cymhwyso i gyflogaeth
• dal i ddylanwadu ar werth bwrsariaethau ar gyfer myfyrwyr gwaith cymdeithasol
• cyhoeddi’r adolygiad o’r fframwaith cymhwyso gwaith cymdeithasol a gweithredu’r hyn a argymhellwyd inni
• cefnogi’r Fferyllydd Arweiniol i gwmpasu a datblygu adnodd e-ddysgu ar asesu ac ymdrin â meddyginiaeth yn benodol ar gyfer gwaith cymdeithasol.

Ar gyfer y Cynllun gweithlu gofal uniongyrchol, fe wnaethom ni:

• hybu cyfleoedd i wneud prentisiaethau a mynd i ddysgu seiliedig ar waith fel dewis gyrfa hyfyw i ymuno â’r sector ac aros ynddo
• dal i ymgysylltu ar draws y sectorau
• cefnogi’r trefniadau ar gyfer gweithredu a chyflawni’r holl gymwysterau galwedigaethol
• cefnogi’r defnydd o’r Fframwaith sefydlu ar gyfer rheolwyr gofal cymdeithasol
• dal i gefnogi’r defnydd o’r Fframwaith sefydlu Cymru gyfan
• cefnogi’r ddarpariaeth barhaus ar gyfer y dyfarniad Ymarferwyr Gwasanaethau Cymdeithasol, gan gynnwys dod i gytundeb â’r Brifysgol Agored i gydnabod bod y llwybr galwedigaethol i ymarferwyr y gwasanaethau cymdeithasol yn cyfateb i flwyddyn gyntaf y cwrs gradd mewn gwaith cymdeithasol
• cyfrannu at adolygiad llai manwl o’r cymwysterau iechyd a gofal cymdeithasol galwedigaethol ar Lefelau 2 i 5
• cynnal adolygiad o ddeddfwriaeth, adnoddau a mapiau Safonau Galwedigaethol Cenedlaethol ar draws cymwysterau ymarfer Lefel 2 a 3
• cefnogi’r consortiwm o gyrff dyfarnu i ddatblygu a newid y fethodoleg asesu ar gyfer cymwysterau Lefel 2 a 3 mewn iechyd a gofal cymdeithasol
• cyfrannu at drafodaethau cynnar am adolygu’r fethodoleg asesu ar gyfer cymwysterau galwedigaethol Lefel 4 a 5.

Ar gyfer y Cynllun gweithlu iechyd meddwl strategol, law yn llaw ag AaGIC, fe wnaethom ni:

• ddarparu hyfforddiantcenedlaethol ar draws iechyd a gofal cymdeithasol mewn therapi ymddygiad gwybyddol a therapi byr sy’n canolbwyntio ar atebion.

Law yn llaw ag AaGIC, fe wnaethom ni:

• weithio i ddatblygu ac yn ddiweddarach dyfu’r adnoddau gofal cymdeithasol a’r cyfleoedd dysgu ym mhorth Gwella.

Fe wnaethom ni:

• ddal i fuddsoddi mewn datblygu arweinwyr tosturiol ar draws iechyd a gofal cymdeithasol
• datblygu a threialu rhaglen uwch-arweinyddiaeth traws sector ar draws y sector statudol a’r trydydd sector mewn gofal cymdeithasol
• dal i fuddsoddi mewn rhaglenni arweinyddiaeth penodol ar gyfer penaethiaid gwasanaethau a chyfarwyddwyr statudol gofal cymdeithasol, gan gynnwys cymwysterau’r Rhaglen Datblygu Rheolwyr Timau (TMDP) a’r Rhaglen Datblygu Rheolwyr Canol (MMDP), gyda rhaglenni datblygu at y pwrpas wedi’u sefydlu ar gyfer cyfarwyddwyr a chyfarwyddwyr cynorthwyol gwasanaethau a’r gweithlu
• datblygu a lansio Rhaglen Dysgu a Datblygu ar gyfer Darpar Reolwyr
• dal i ddarparu rôl arweinyddiaeth i hyrwyddo gweithio’n ddwyieithog
• cefnogi cynllun gweithredu Mwy na geiriau Llywodraeth Cymru, gan ganolbwyntio ar ddatblygu’r gweithlu.

Ar gyfer y Cynllun gweithlu gwaith cymdeithasol, fe wnaethom ni:

• ddal i fuddsoddi mewn rhaglenni arweinyddiaeth penodol gan gynnwys cymwysterau TMDP ac MMDP.

Ar gyfer y Cynllun gweithlu gofal uniongyrchol, fe wnaethom ni:

• ddal i gefnogi rhwydweithiau cydweithwyr ar gyfer rheolwyr cofrestredig gofal cymdeithasol mewn gwasanaethau preifat, gwirfoddol a chyhoeddus er mwyn gwella lles a helpu i warchod eu gwytnwch
• dal i helpu i hybu a gweithredu’r cymwysterau Lefel 4 a Lefel 5 newydd gan gynnwys y llwybrau prentisiaethau cysylltiedig.

Ar gyfer y Cynllun gweithlu iechyd meddwl strategol, law yn llaw ag AaGIC, fe wnaethom ni:

• ddechrau cwmpasu’r opsiynau ar gyfer cyd-raglen ddatblygu ar gyfer rheolwyr tîm iechyd meddwl.

Law yn llaw ag AaGIC, fe wnaethom ni:

• gyhoeddi’r cynllun gweithlu ar gyfer y gweithlu iechyd meddwl.

Fe wnaethom ni:

• ddal i gydlynu’r gwaith o gasglu data ar y gweithlu, gan wella’r lefelau a ddychwelir a chywirdeb y data
• dal i newid ein dulliau casglu data i sicrhau y ceir data cadarn, gan gynnwys gwella’r dulliau adrodd data o safbwynt iaith ac ethnigrwydd
• edrych yn agos ar feysydd sy’n peri pryder er mwyn deall yn well broffil y gweithlu, er enghraifft, drwy broffilio nyrsys mewn gofal cymdeithasol a’r defnydd o weithwyr asiantaeth. Defnyddiom y wybodaeth hon i’n helpu i wneud penderfyniadau effeithiol
• dechrau adolygiad cwmpasu o’r dulliau o gynllunio’r gweithlu ar draws y sector a gwneud argymhellion ar gyfer datblygu’r swyddogaeth hon. Cafodd yr adroddiadau ar ein canfyddiadau a’n hargymhellion eu cwblhau ym mis Mai 2023
• dal i gefnogi gwaith Grŵp Cynghori’r Gweinidog ar Ofalwyr
• cyfrannu tystiolaeth i’r Uwchgynhadledd i Ofalwyr.

Ar gyfer y Cynllun gweithlu gwaith cymdeithasol, fe wnaethom ni:

• gyhoeddi’r cynlluniau gweithlu ar gyfer y proffesiwn gwaith cymdeithasol
• cefnogi Cymdeithas y Cyfarwyddwyr Gwasanaethau Cymdeithasol (ADSS) i ddatblygu memorandwm cydweithrediad at ddefnydd gweithwyr asiantaeth gwasanaethau plant.

Ar gyfer y Cynllun gweithlu gofal uniongyrchol, fe wnaethom ni:

• gyhoeddi’r cynlluniau gweithlu ar gyfer y gweithlu gofal uniongyrchol
• dal i gefnogi datblygiad Fframwaith Cyflog a Chynnydd yFforwm Gwaith Teg Gofal Cymdeithasol.
• dal i helpu’r gweithlu cartrefi gofal i gofrestru mewn pryd ar gyfer y cofrestru gorfodol ym mis Hydref 2022
• cefnogi rhaglen waith Trawsnewid Gwasanaethau Plant Llywodraeth Cymru, gan gynnwys y fframwaith ymarfercenedlaethol.

Ar gyfer y Cynllun gweithlu iechyd meddwl strategol, law yn llaw ag AaGIC, fe wnaethom ni:

• ddatblygu arolygon ar gyfer Gweithwyr Iechyd Meddwl Proffesiynol Cymeradwy (AMHPs) a meddygon Adran 12 i helpu gyda’r gwaith o gynllunio’r gweithlu i’r dyfodol
• cwmpasu sut allwn helpu byrddau iechyd ac awdurdodau lleol i groesawu egwyddorion cynllunio’r gweithlu yn y gweithlu iechyd meddwl
• cefnogi byrddau iechyd ac awdurdodau lleol ar draws Cymru i groesawu rolau newydd o fewn eu timau aml-ddisgyblaethol iechyd meddwl gan gynnwys Cydymaith Meddygol a Chynorthwyydd Clinigol mewn Seicoleg Gymhwysol (CAAP).