Pam rydym yn cofrestru

Dyma ganllaw fideo cyflym ar gofrestru gyda ni.

Rydym yn cadw cofrestr o bobl sydd wedi dangos eu bod yn addas i weithio ym maes gofal cymdeithasol. Rhaid i bawb ar y Gofrestr ddangos eu bod;

• â chymwysterau priodol
• yn ffit yn gorfforol ac yn feddyliol i ymarfer
• bod â'r cymeriad a'r cymhwysedd
• dilyn y Cod Ymarfer Proffesiynol ar gyfer Gofal Cymdeithasol (y Cod) a chanllawiau ymarfer ar gyfer eu rôl
• yn bwriadu ymarfer gofal cymdeithasol yng Nghymru
• yn ymarfer yn y maes y mae eu cais yn ymwneud â'u cais i gofrestru.

Sefydlwyd y Gofrestr o Weithwyr Gofal Cymdeithasol (y Gofrestr) o dan Ddeddf Safonau Gofal 2000 ac mae’n cael ei chynnal o dan Ddeddf Rheoleiddio ac Arolygu 2016.

Rydym yn defnyddio Rheolau Gofal Cymdeithasol Cymru (Cofrestru) 2020 i gynnal y Gofrestr. Cymeradwyir y rheolau hyn gan Lywodraeth Cymru, a rhain yw'r fframwaith ar gyfer cofrestru'r gweithlu gofal cymdeithasol. Mae'r rheolau hyn yn weithredol o 1 Ebrill 2020.

Mae rheolau 2018 yn berthnasol i geisiadau a wneir rhwng 1 Tachwedd 2018 a 31 Mawrth 2020 yn gynhwysol.

Mae Rheolau Cynnwys y Gofrestr 2020 yn nodi'r wybodaeth y mae angen i ni ei chynnwys yn ein Cofrestr o weithwyr gofal cymdeithasol. Maent yn weithredol o 1 Ebrill 2020.

Mae’r Gofrestr yn agored i’r grwpiau gweithwyr canlynol:

• gweithwyr cymdeithasol
• myfyrwyr gradd gwaith cymdeithasol
• rheolwyr gofal preswyl i blant
• rheolwyr cartrefi gofal i oedolion
• rheolwyr gofal cartref
• gweithwyr gofal preswyl i blant
• gweithwyr gofal cartref (gorfodol o fis Ebrill 2020).

Mae’n rhaid i’r holl weithwyr cymdeithasol a rheolwyr gofal cymdeithasol gofrestru ar ôl cwblhau eu cymhwyster neu ddechrau yn y swydd.

Mae’n rhaid i weithwyr gofal preswyl i blant a gweithwyr gofal cartref gofrestru o fewn chwe mis i ddechrau eu swydd.

Mae manteision bod yn berson cofrestredig yn cynnwys y canlynol:

Meithrin ymddiriedaeth a hyder

• gall pobl ddibynnu ar weithwyr gofal cymdeithasol cofrestredig
• mae gan bobl hyder o wybod eich bod yn dilyn y Cod

Gwerthfawrogi gweithwyr gofal cymdeithasol

• gallwch ddangos bod gennych chi’r sgiliau a’r wybodaeth i fod yn weithiwr gofal cymdeithasol
• gallwch ddangos eich bod wedi cael hyfforddiant a’ch bod yn cymryd cyfrifoldeb am ddatblygu gwybodaeth a sgiliau
• gall cyflogwyr ddarparu’r cymorth a’r datblygiad sydd eu hangen arnoch
• trwy wybod mwy amdanoch bydd yn haws i ni gynllunio ffyrdd o’ch cynorthwyo.

Sicrhau bod pobl yn ddiogel

• amddiffyn hawliau pobl a sicrhau eu bod yn cael gwrandawiad
• cynorthwyo pobl i fod yn annibynnol ac i amddiffyn eu hunain
• os nad yw gweithiwr yn addas i ymarfer, gellir ei dynnu oddi ar y Gofrestr fel nad yw’n gallu ymarfer yng Nghymru.

Manteision eraill

• defnyddio teitl eich proffesiwn yn gyfreithlon
• cymorth a gwybodaeth o’n dogfennau canllawiau ymarfer a’n cyhoeddiadau eraill
• gwahoddiadau i ddigwyddiadau a chynadleddau
• gwahoddiadau i ymgynghoriadau.

Dyma ddau fideo astudiaeth achos sy'n dangos manteision bod yn weithiwr cofrestredig gyda ni.

Y nifer gyfredol o unigolion cofrestredig yw:

• 6,375 - gweithwyr cymdeithasol
• 706 - myfyrwyr gwaith cymdeithasol
• 1,296 - rheolwyr cartrefi gofal oedolion
• 881 - rheolwyr gofal cartref
• 245 - rheolwyr gofal preswyl i blant
• 1 - rheolwr canolfan preswyl I deuluoedd
• 1 - rheolwr gwasanaeth maethu
• 10,184 o weithwyr gofal cartref
• 2,936 o weithwyr gofal preswyl i blant

Bob blwyddyn rydym yn cyhoeddi adroddiadau data ar y wybodaeth a roddir i ni gan ymgeiswyr a phersonau cofrestredig.

Gweld holl adroddiadau data cofrestru.

Os oes gennych chi gwestiwn Cysylltwch â ni.